Qendra e Mjekësisë Familjare 5 në lagjen Dardani-Ulpianë po vazhdon të rinovohet në kuadër të projektit për rritjen e efiçiencës energjetike të objekteve publike.
Kryetari i Prishtinës, Përparim Rama, ka njoftuar se, pas përfundimit të zëvendësimit të dritareve, ka nisur realizimi i izolimit të jashtëm të objektit.
Sipas tij, investimi po realizohet në bashkëpunim me Bashkimin Evropian dhe Bankën Evropiane për Rindërtim dhe Zhvillim (BERZH), me synimin për të përmirësuar performancën energjetike të qendrës shëndetësore.
“Po rinovohet Qendra e Mjekësisë Familjare 5 në Dardani-Ulpianë. Pas zëvendësimit të dritareve, po realizohet izolimi i jashtëm i objektit, në kuadër të projektit me Bashkimin Evropian dhe BERZH-in për rritjen e efiçiencës energjetike”, ka shkruar Rama në Facebook.