Fibrilacioni atrial (AFib) prek miliona njerëz vetëm në Shtetet e Bashkuara. Rritja e moshës është një faktor rreziku për këtë gjendje, mirëpo edhe shumë faktorë të tjerë të rrezikut nuk janë kuptuar aq mirë.
Studiuesit janë të interesuar se cilët faktorë shtesë rrisin shanset e dikujt për të zhvilluar fibrilacion atrial, shkruan burimi Medical News Today përcjell Gazeta Shneta.
Rezultatet e një studimi të kohëve të fundit zbuluan se tek meshkujt e moshuar, nivelet më të larta të testosteronit shoqërohen me një rrezik në rritje për fibrilacion atrial.
Trajtimi i problemeve kardiovaskulare tek të moshuarit është një fushë kritike e shëndetit.
Fibrilacioni atrial është një ritëm i zakonshëm dhe problematik i zemrës dhe studiuesit janë të interesuar të kuptojnë faktorët e tij të rrezikut.
Një studim i publikuar në “eClinicalMedicine”, ekzaminoi lidhjen midis niveleve të testosteronit dhe fibrilacionit atrial në mbi 4,500 pjesëmarrës meshkuj.
Studiuesit zbuluan se burrat e moshuar me nivele më të larta të testosteronit qarkullues ishin në një rrezik në rritje për fibrilacion atrial. Rezultatet theksojnë rëndësinë e monitorimit të duhur për nivelet e fibrilacionit atrial dhe testosteronit tek meshkujt e moshuar.
Ndërsa kërkimet ecin përpara, mjekët mund të kenë nevojë të marrin në konsideratë rreziqet e fibrilacionit atrial kur ndihmojnë burrat e moshuar të vlerësojnë rreziqet e terapisë me testosteron. /Gazeta Shneta/