Hulumtimi i ri nga Mass General Brigham sfidon nocionin se gjenetika është përcaktuesi i vetëm në rrezikun e Alzheimerit, veçanërisht për ata të predispozuar ndaj formave të hershme të sëmundjes.
Studimi i ri analizoi të dhënat nga 675 njerëz që mbanin mutacionin gjenetik PSEN1 E280A, i cili shpesh çon në simptomat e Alzheimerit që shfaqen rreth moshës 49 vjeç, shkruan Medical News Today përcjell Gazeta Shneta.
Ndërsa ata me një mutacion shtesë me rrezik të lartë përjetuan rënie më të shpejtë njohëse, studiuesit zbuluan se arritjet e larta arsimore mund të veprojnë si një faktor mbrojtës, duke ngadalësuar dëmtimin njohës edhe në prani të rreziqeve të forta gjenetike.
Në një studim të ri, të botuar në “Nature Communications” dhe të udhëhequr nga studiues të Spitalit të Përgjithshëm të Massachusetts në shkollën mjekësore të Harvardit, autorët shpjegojnë se si gjenetika është një faktor në ekuacionin e rrezikut për sëmundjen e Alzheimerit.
Shkencëtarët ekzaminuan rolin e gjenetikës dhe nivelit arsimor në përkeqësimin kognitiv duke analizuar të dhënat nga 675 individë me një mutacion gjenetik të njohur si PSEN1 E280A, që i bën ata të ndjeshëm ndaj sëmundjes së Alzheimerit të fillimit të hershëm.
Personat me këtë mutacion zakonisht fillojnë të shfaqin simptoma të demencës rreth moshës 49 vjeçare.
Gjetjet e tyre sugjeruan se arritjet më të mëdha arsimore, ose më shumë vite shkollimi, ishin të lidhura me funksionin më të mirë njohës, veçanërisht në mesin e atyre me rrezikun më të lartë gjenetik për sëmundjen.
Autorja e parë e studimit, Dr. Stephanie Langella, studiuese postdoktorale në Departamentin e Psikiatrisë në Spitalin e Përgjithshëm të Massachusetts, foli për Medical News Today, duke thënë se “në individët me një formë të përcaktuar gjenetikisht të sëmundjes së Alzheimerit, ndikohet fillimi i dëmtimit klinik dhe njohës si nga faktorë të tjerë gjenetikë ashtu edhe nga vitet e arritjeve arsimore.”
“Arsimi i lartë (vitet e arsimit) luanin faktorin mbrojtës ndaj faktorëve më të fortë të rrezikut gjenetik për sëmundjen e Alzheimerit”, tha Dr. Langella. /Gazeta Shneta/