Një dietë dyditore vetëm me tërshërë rezultoi në ulje të nivelit të kolesterolit që zgjati për gjashtë javë, sipas një studimi të ri.
Pjesëmarrësit me sindromë metabolike – karakterizuar nga presion i lartë gjaku, yndyra e lartë në gjak, sheqer i lartë dhe mbipesha – që ndoqën dietën me tërshërë, humbën rreth dy kilogramë dhe panë një rënie të lehtë të presionit të gjakut menjëherë pas dy ditëve. Nivelat e LDL-së (“kolesteroli i keq”) u ulën me 10%, një rënie e konsiderueshme edhe pse më e vogël se ajo që mund të arrihet me ilaçe, shkruan burimi Medical News Today transmeton Gazeta Shneta.
Studimi përfshiu dy ndërhyrje të kontrolluara. Në trialin e parë, 17 pjesëmarrës konsumuan 300 gramë tërshërë në ditë për dy ditë, duke zvogëluar gjysmën e kalorive të zakonshme dhe duke e kombinuar me fruta ose perime.
Në trialin e dytë, 17 pjesëmarrës zëvendësuan një vakt të përditshëm me tërshërë për gjashtë javë, por nuk pati ulje të kolesterolit në këtë rast. Ky rezultat sugjeron se konsumimi intensiv dhe i shpejtë i tërshërës mund të jetë më efektiv sesa përfshirja e saj e moderuar në dietë.
Prof. Marie-Christine Simon nga Universiteti i Bonnit shpjegoi se ky efekt lidhet me reagimin e fuqishëm të mikrobiomës së zorrëve ndaj dozës së madhe të përbërësve të tërshërës, veçanërisht komponimeve fenolike si acidi dihidroferulik, që ndikojnë në metabolizmin e lipideve dhe prishin përpunimin e kolesterolit në nivel qelizor.
Simon sugjeron se përdorimi i përsëritur i këtyre ndërhyrjeve intensive mund të ruajë reduktimin e LDL-së dhe të ndikojë pozitivisht në peshë dhe presionin e gjakut, por kjo duhet të konfirmohet në studime të ardhshme. /Gazeta Shneta/