Një person ka vdekur dhe 424 qytetarë janë infektuar me Covid-19 në 24 orët e fundit në Kosovë.
Ministria e Shëndetësisë ka njoftuar se në 24 orët e fundit është shënuar një viktimë nga Covid-19, ndërsa nga 6360 teste 424 persona kanë rezultuar pozitiv.
Në total numri i rasteve aktive është 2.992.
Ndërkaq në 24 orët e fundit janë dhënë 3.189 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 1.701.091 doza të vaksinës.
Deri më sot 792.605 qytetarë janë vaksinuar me dozën e dytë. /Gazeta Shneta/