Një studim i ri zbuloi se lamotrigina, një bari që përdoret për të trajtuar epilepsinë dhe simptomat e çrregullimit bipolar, përmbysi sjelljet e ngjashme me autizmin te minjtë, sipas një studimit paraklinik.
Nuk ka një kurë të njohur për çrregullimin e spektrit të autizmit (ASD). Megjithatë, medikamentet mund të ndihmojnë në menaxhimin e disa prej simptomave që lidhen me gjendjen.
Këto përfshijnë barna antipsikotike, të tilla si risperidoni dhe aripiprazoli, barnat kundër depresionit, barnat kundër ankthit dhe barnat antikonvulsante, shkruan Health News përcjell Gazeta Shneta.
Megjithatë, asnjë nga këto barna nuk e shëron autizmin dhe jo të gjithë individët autikë përfitojnë nga mjekimi.
Në një studim të botuar më 14 shkurt në revistën Molecular Psychiatry, shkencëtarët nga Instituti Hector për Kërkimet Përkthimore të Trurit (HITBR) zbuluan se lamotrigina (Lamictal) – një bari për epilepsinë që bllokon kanalet e natriumit – përmbysi sjelljet e ngjashme me autizmin tek minjtë.
Sipas autorëve të studimit, ky zbulim mund të çojë në opsione efektive terapeutike për njerëzit me çrregullimin e spektrit të autizmit (ASD).
Megjithëse rezultatet në fazën paraklinike në minj janë premtuese, provat klinike që marrin në shqyrtim njerëz me çrregullimin e spektrit të autizmit (ASD) janë vetëm në fazat e planifikimit. /Gazeta Shneta/