Ka patur një numër në rritje të raporteve anekdotale të një lidhjeje midis persoanve të shëruar nga Covid-19 dhe zhvillimit të problemeve të shëndetit mendor në muajt e fundit.
Tani kemi disa numra për t’i mbështetur ato raporte. Një studim i ri, i botuar në ‘Lancet Psychiatry’, ka zbuluar se pothuajse një në pesë persona që kanë pasur Covid-19 vazhdojnë të diagnostikohen me një sëmundje mendore brenda tre muajve nga testimi pozitiv përcjell Gazeta Shneta.
Si u bënë llogaritjet:
Studiuesit nga Universiteti i Oksfordit dhe Qendra e Kërkimeve Biomjekësore Shëndetësore e Oksfordit NIHR – mblodhën të dhënat elektronike të shëndetit të 70 milion pacientëve në SHBA, përfshirë 62,354 të cilët ishin diagnostikuar me Covid-19 nga 20 janar deri më 1 prill 2020 por nuk kishin nevojë të shtroheshin në spital.
Ata zbuluan se 18% e pacientëve ishin diagnostikuar me një problem të shëndetit mendor në 14 deri 90 ditë pas një diagnoze Covid-19.
Çrregullimet e ankthit, pagjumësia dhe dementia ishin diagnozat më të zakonshme.
Për më tepër, njerëzit me një gjendje të mëparshme të shëndetit mendor – në mënyrë të veçantë çrregullimi i deficitit të vëmendjes të hiperaktivitetit, çrregullimi bipolar, depresioni ose skizofrenia – kishin 65% më shumë gjasa të diagnostikohen me Covid-19.
Sido që të jetë, ne duhet të përgatitemi për më shumë – me problemet e shëndetit mendor në të gjithë shoqërinë në muajt dhe vitet e ardhshme. “Kjo është qartë maja e një ajsbergu. Ne kemi nevojë të zhvillojmë sa më shumë forma të ndryshme, të arritshme të mbështetjes së shëndetit mendor, “thotë profesor Til Wykes, prodekan për psikologji në King’s College London. /Gazeta Shneta/