Jetesa në qytete është shoqëruar me norma më të larta të çrregullimeve të shëndetit mendor.
Një studim i ri zbuloi se një shëtitje 60-minutëshe në natyrë ul aktivitetin në rajonet e trurit të përfshira në përpunimin e stresit, shkruan Medical News Today përcjell Gazeta Shneta.
Disa studime kanë gjetur shkallë më të lartë të sëmundjeve të mëdha mendore në zonat urbane kundrejt zonave rurale.
Një meta-analizë e vitit 2012, për shembull, zbuloi një rrezik në rritje për skizofreninë për ata që jetojnë në qytete.
Hulumtime të tjera, duke përfshirë studime nga viti 2011, kanë zbuluar se njerëzit që jetojnë në qytete përjetojnë aktivitet të shtuar të amigdalës, rajoni i trurit që rregullon emocionet, duke përfshirë frikën dhe stresin.
Në një studim të ri, studiuesit nga Lise Meitner Group për neuroshkencën mjedisore në Institutin Max Planck në Gjermani, eksploruan përfitimet e shëndetit mendor që mund t’i sjellë natyra.
“Rezultatet e studimit tregojnë se pas vetëm një 1 ore ecje në natyrë, aktiviteti në rajonet e trurit të përfshira në përpunimin e stresit zvogëlohet,”
“Ky është një zbulim i rëndësishëm sepse demonstron për herë të parë një marrëdhënie shkakësore midis ekspozimit ndaj natyrës dhe ndryshimit në rajonet e trurit të lidhura me stresin.”
Rezultatet nga studimi u botuan së fundmi në revistën ‘Molecular Psychiatry’. /Gazeta Shneta/