Spitali Lindja ofron shërbime gjinekologjike me infertilitet, urologji, pediatri dhe laboratorit biokimik. Ky spital është në shërbim 24 orë.
‘Lindja’ është themeluar që nga viti 1996, fillimisht me seli në Podujevë nga gjinekologu i njohur Dr. Dërgut Aliu, ku numëronte 12 punëtorë, më pastaj për të arritur në 20. Gjatë kësaj periudhe spitali “Lindja” ka kryer më shumë se 2000 lindje, me qindra operacione dhe intervenime, duke mos përmendur edhe numrin e madh të vizitave.
Për shkak të gjendjes në Kosovë gjatë luftës, spitali u detyrua të mbyllet me 23 mars të vitit 1999.Për t’u rihapur përsëri në shtator të po këtij viti. Ku startoi vetëm me shërbime ambullantore në laminë e gjinekologjisë dhe Kirurgjisë.
Nuk mori shumë kohë dhe në vitin 2000 u hap edhe “Poliklinika Lindja” me seli në Prishtinë ku u kryen për herë të parë në sektorin privat të pasluftës operacionet dhe lindjet e para. Gjatë vitit 2009 është hapur spitali i përgjithshëm Lindja. Ku tani ai është i regjistruar si spital special për Gjinekologji Endokrinologji dhe Interfilitet Lindja. Ky spital gjendet në Veternik afër Hotel Gorenjës në Prishtinë.