Në Qendrën Klinike Universitare të Kosovës mungon ushqimi cilësor për pacientët por edhe për stafin mjekësor.
QKUK ka kuzhinën qendrore përmes së cilës furnizon klinikat dhe pacientët, por për shkak të cilësisë së dobët por edhe sasisë së ushqimit shpesh herë ka ankesa, shkruan Gazeta Shneta.
Një e tillë është adresuar në Gazetë gjatë ditës së sotme ku një familjar ka dërguar një fotografi ku shihet një vezë e zier dhe një copë djathë i bardhë. Kjo pjatë ka qenë darka e pacienteve të shtrira në Klinikën e Gjinekologjisë për ditën e sotme.
Menaxhmenti i QKUK-së do të duhej të kërkonte më shumë përgjegjësi nga zyrtarët e kuzhinës qendrore për ushqimin që iu servohet pacientëve.
Gazeta edhe më herët ka raportuar për ushqimet e dobëta që iu janë servuar stafit dhe pacientëve. /Gazeta Shneta/
