Njerëzit kreativë kanë më shumë gjasa të shfrytëzojnë më shumë kohën joproduktive gjatë një dite të zakonshme duke eksploruar mendjen e tyre, sugjeron një studim i ri nga studiuesit e Universitetit të Arizonës.
Studimi i botuar në Creativity Research Journal, zbulon se njerëzit kreativ kanë më shumë gjasa të përdorin më mirë kohën e joproduktive duke lënë një ide të çojë në një tjetër, transmeton Gazeta Shneta.
Pjesëmarrësit e studimit që ishin më kreativë ndiheshin më pak të mërzitur kur uleshin vetëm në një dhomë, zbuluan studiuesit. Dhe gjatë pandemisë COVID-19, një kohë kur bota përjetoi periudha jashtëzakonisht të gjata kohore të pastrukturuara, njerëzit kreativ ishin më pak të mërzitur dhe më të angazhuar me mendimet e tyre.
“Unë jam veçanërisht i interesuar për kreativitetin, sepse ne donim të dinim se çfarë po ndodh në mendjen e individëve kreativ, veçanërisht në situata ku asgjë nuk i kufizon mendimet e tyre,” tha autori kryesor i studimit, Quentin Raffaeli, një student i diplomuar në Departamentin e Psikologjisë në UArizona.
Në psikologji dhe neuroshkencë, shumica e studimeve mbi mendimet njerëzore ose i shtyjnë pjesëmarrësit të mendojnë në një mënyrë të caktuar ose u kërkojnë atyre të raportojnë për mendimet që kanë përjetuar, por më pak dihet se si mendimet lindin dhe shpalosen natyrshëm me kalimin e kohës në kontekste të pa nxitura, tha Jessica Andrews- Hanna, profesoreshë e asociuar në Departamentin e Psikologjisë dhe autore e lartë e punimit.
“Këtu vjen studimi ynë,” tha Andrews-Hanna.
Historia është e mbushur me anekdota të shkencëtarëve, artistëve dhe filozofëve të famshëm, të cilëve u pëlqente të qëndronin vetëm me mendimet e tyre, dhe ata njerëz shpesh gjeneruan disa nga idetë e tyre më të mira gjatë kohës së kotë, tha Andreës-Hanna.
“Në shoqërinë e sotme të ngarkuar dhe të lidhur në mënyrë dixhitale, koha për të qenë vetëm me mendimet e dikujt pa u shpërqendruar mund të bëhet një mall i rrallë”, shtoi ajo.
Studiuesit vlerësuan kreativitetin e pjesëmarrësve përmes një “testi të të menduarit divergjent”, një test verbal i bazuar në laborator që mat aftësinë e një personi për të menduar jashtë kutisë.
“Ndërsa bëhemi më të mbingarkuar dhe të varur nga pajisjet tona dixhitale, mendoj se duhet të bëjmë një punë më të mirë në shtëpitë tona, në vendet tona të punës dhe në shkollat tona për të kultivuar kohë për t’u çlodhur thjesht me mendimet tona,” tha Andrews-Hanna.
Studiuesit po vazhdojnë këtë linjë pune duke përdorur aplikacionin e tyre Mind Window. Ata inkurajojnë njerëzit të shkarkojnë dhe përdorin aplikacionin për të ndihmuar shkencëtarët të kuptojnë se si njerëzit në mbarë botën mendojnë në jetën e tyre të përditshme. /Gazeta Shneta/