Është e njohur se njerëzit që ushtrojnë rregullisht janë në rrezik më të ulët të sëmundjeve të zemrës, diabetit, depresionit, demencës dhe një sërë çështjesh të tjera shëndetësore.
Por studimi i ri, i botuar në “British Journal of Sports Medicine”, nënvizon rolin e fuqishëm që luan aktiviteti fizik në jetëgjatësinë tonë – dhe sa të rëndësishme janë boshllëqet midis grupeve aktive dhe më pak aktive, raporton Euronews Health përcjell Gazeta Shneta.
Për studimin, studiuesit ndanë të rriturit amerikanë të moshës 40 vjeç e sipër në katër grupe bazuar në nivelet e aktivitetit të tyre fizik nga 2003 deri në 2006, dhe më pas ndoqën rezultatet e tyre shëndetësore gjatë viteve.
Në atë periudhë, njerëzit më aktivë kishin 73 për qind më pak gjasa të vdisnin nga ndonjë shkak i gjendjes shëndetësore sesa të rriturit më pak aktivë.
“Nëse ka diçka që mund të bëni për të përgjysmuar më shumë se rrezikun e vdekjes, aktiviteti fizik është jashtëzakonisht i fuqishëm”, tha në një deklaratë, Lennert Veerman, autori kryesor i studimit dhe profesor i shëndetit publik në Universitetin Griffith në Australi.
Të rriturit më aktivë ushtroheshin në një nivel që është i barabartë me ecjen për dy orë e 40 minuta në ditë. Për t’i arritur ato, të rriturit më pak aktivë do t’ju duhet të shtojnë gati dy orë ecje në rutinën e tyre të përditshme.
Por nëse do ta bënin, ata mund të jetonin mesatarisht 10.9 vjet më gjatë, tregojnë vlerësimet. Për të rriturit më të apasionuar pas stërvitjes, kjo përkthehet në një jetëgjatësi shtesë prej 6,3 orë për çdo shëtitje një orëshe.
Nivelet e mbingarkuara të aktivitetit fizik do të sillnin jetëgjatësinë mesatare në SHBA në 83.7 vjet, nga 78.6 vjet që ishte në vitin 2017.
Studiuesit thanë se rezultatet nënvizojnë rëndësinë e ushtrimeve fizike për shëndetin, veçanërisht kur bëhet fjalë për mënyrën se si janë krijuar komunitetet. /Gazeta Shneta/