Të kesh një shkak gjenetik të kolesterolit të lartë rrit rrezikun e sëmundjeve të zemrës më shumë sesa të kesh nivele të larta të kolesterolit, ka zbuluar një studim i udhëhequr nga Geisinger.
Rreth 6% deri në 13% e amerikanëve kanë nivele shumë të larta të kolesterolit të lipoproteinës me densitet të ulët (LDL), i njohur si hiperkolesterolemia e rëndë. Këto nivele të larta të LDL-së rrisin rrezikun e sëmundjeve të zemrës, sulmit në zemër dhe goditjes në tru, shkruan Medical Xpress përcjell Gazeta Shneta.
Studiuesit, vlerësuan të dhënat gjenetike nga 11,738 pjesëmarrës në Biobank në Mbretërinë e Bashkuar që kishin nivele të larta LDL.
Ekipi vëzhgoi një ndryshim të vogël në shkallën e sëmundjeve të zemrës midis atyre me nivelet më të ulëta dhe më të larta të LDL.
Megjithatë, kur pjesëmarrësit u grupuan sipas shkakut specifik gjenetik të gjendjes së tyre, kishte ndryshime të dallueshme në shkallën e sëmundjes.
Për shembull, njerëzit me një variant të vetëm gjeni të lidhur me kolesterolin e lartë ose me lipoproteinë të ngritur (a), një formë e kolesterolit LDL, kishin një rrezik të rritur ndjeshëm të sëmundjes në të ardhmen kur krahasoheshin me pjesën tjetër të pjesëmarrësve në studim.
Rezultatet u publikuan në “Arteriosclerosis, Thrombosis and Vascular Biology”.
“Ky studim tregon potencialin e të dhënave gjenetike për të informuar rreth menaxhimit të rrezikut dhe kujdesin klinik të pacientëve me kolesterol të lartë,” tha Dr. Oetjens. /Gazeta Shneta/