Kompania e barnave me bazë në Zvicër, Novartis, nuk konkurron me produktin e saj Imatinib në Kosovë për shkak të çmimeve të larta.
Kjo është përgjigja që kjo kompani i ka kthyer Besnik Bytyqit, të birit të Fahrije Bytyqit e cila vuan nga leukemia kronike, shkruan Gazeta Shneta.
“Glivec nuk është në tregun e Kosovës dhe Shqipërisë tash e disa vite, për arsye se Ministria e Shëndetësisë e Kosovës gjithmonë shpallë fitues Imatinib GXs, të cilat janë më të lira”, thuhet në përgjigjen e Novartis.
Të sëmurët nga leukemia kronike në Kosovë kanë kërkuar edhe me parë që të furnizohen me barna nga kjo kompani për shkak se efekti i tyre është shumë më i lartë.
Megjithatë pacientët ende vazhdojnë të mos furnizohen nga MSH me asnjë lloj të imatinibit.
Në një intervistë për Gazeta Shneta, Fahrije Bytyqi nga Prizreni pati alarmuar se të sëmurët po vdesin nga kjo sëmundje në mungesë të barnave. /Gazeta Shneta/