Asnjë kandidat nuk aplikoi në konkursin e muajit korrik, për infermier – asistent të stomatologjisë në Qendrën Stomatologjike Universitare të Kosovës.
Për shkak të mos interesimit për të aplikuar në këtë konkurs QSKUK është detyruar të vazhdojë konkursin edhe për tetë ditë.
Afati për aplikim është i hapur nga gjashtë shtatori deri nesër, 13 shtator 2022.
QSKUK kërkon tre kandidatë infermier – asistent të stomatologjisë. Pas pranimit kandidatët e përzgjedhur do të mbajën tre muaj praktik.
Kontrata e punës është një vjeçare me koeficient 4,80.
Njëra ndër kriteret kryesore për të fituar garën është shkolla e mesme e mjekësisë, drejtimi i stomatologjisë apo infermieri e përgjithshme si dhe kandidati duhet të ketë dy vite përvojë pune si asistent i stomatologjisë apo si infermier i përgjithshëm.
Duke klikuar KËTU mund të njoftoheni më detajisht për konkursin. /Gazeta Shneta/