Dy ngjarje shkencore të mjekësisë do të zënë vend gjatë kësaj jave në Prishtinë. E para është një kurs për kirurgët pediatrik, ndërsa ngjarja tjetër është Kongresi i dytë i organizuar nga Kolegji i Kirurgëve.
Gjatë kësaj jave do të mbahen dy ngjarje të rëndësishme shkencore në Kosovë. Shoqata e Kirurgëve Pediatrik të Kosovës ka njoftuar se nesër dhe pasnesër do të mbahet Konferenca e 14-të e Asociacionit Evropian të Kirurgëve Pediatrik. Kjo konferencë është organizuar nga këto dy organizata, në bashkëpunim me Odën e Mjekëve të Kosovës, shkruan Gazeta Shneta.
“Ky takim do të mbledhë kirurgët pediatrik nga vendi, rajoni dhe Evropa për të diskutuar njohuritë më të reja në lëminë e Kirurgjisë Minimale Invazive dhe Urologjisë së Fëmijëve. Në takim do të diskutohet në lidhje me problemet e kirurgjisë dhe urologjisë së fëmijëve, me fokus të veçantë në Kirurgjinē minimale invazive të fëmijëve”, thuhet në njoftimin e kryetarit të Shoqatës Dr. Hysni Jashari.
Ndërkaq nga data 15 deri më 18 shtator do të organizohet Kongresi i Dytë Klinik i Kolegjit të Kirurgëve të Kosovës në krye me Prof. Rifat Latifin, i cili mban edhe pozitën e ministrit të Shëndetësisë.
Në këtë kongres pritet të marrin pjesë me punimet e tyre rreth 117 ligjërues vendor e ndërkombëtar. /Gazeta Shneta/