Tetë neurokirurgët e QKUK-së vitin e kaluar kanë bërë operacion 478 pacientë sipas një raporti që ka marr Gazeta nga drejtoria e SHSKUK-së, derisa kjo e fundit ka publikuar një njoftim ku thuhet se në Neurokirurgji janë kryer 596 operacione në 2022
Në Klinikën e Neurokirurgjisë në QKUK vitin e kaluar janë kryer gjithsej 478 operacione në patologji të ndryshme sipas raportit zyrtar të marr nga drejtoria e SHSKUK-së përmes qasjes në dokumente publike, shkruan Gazeta Shneta.
Ndërkaq sipas një njoftimit të SHSKUK-së gjatë ditës së sotme, në këtë klinikë janë kryer gjithsej 596 operacione gjatë vitit 2022, rreth 100 më shumë sesa në vitin paraprak.
Bazuar në raportin e punës së kësaj klinike të marr zyrtarisht nga drejtoria e SHSKUK-së, më së shumti operacione ka kryer neurokirurgu Faik Qosja, gjithsej 89 sosh.
Pas Qosjes janë Feti Ahmeti me 75 operacione dhe Armend Kerveshi me 64.
Ndërkaq më së paku operacione ka kryer drejtori i kësaj klinike Besnik Elshani i cili ka vetëm 33 intervenim në raportin e punës.
Ndryshe në këtë klinikë më së shumti operacione janë kryer në patologjinë e Hernisë discale. /Gazeta Shneta/