Shpërthime “të pashembullta” dhe “vdekjeprurëse” të kolerës janë raportuar në rreth 30 vende dhe rajone këtë vit, thotë Organizata Botërore e Shëndetësisë (OBSH).
Kolera është një infeksion akut diarreal i shkaktuar nga gëlltitja e ushqimit ose ujit të kontaminuar dhe mund të jetë fatale nëse nuk trajtohet, shkruan Euronews përcjell Gazeta Shneta.
OBSH, tha se vendet duke përfshirë Haitin, Jemenin dhe Libanin raportuan të gjitha shpërthime të kolerës këtë vit.
“Situata është mjaft e paprecedentë, sepse jo vetëm që po shohim më shumë shpërthime, por këto shpërthime janë më të mëdha dhe më vdekjeprurëse se ato që kemi parë në vitet e kaluara,” tha Dr. Philippe Barboza, drejtuesi i ekipit të OBSH-së për kolerën.
Organizata shëndetësore theksoi gjithashtu se ndryshimi i klimës po nxit rritjen globale të kolerës.
“Këtë vit, ne kemi një faktor që është edhe më i rëndësishëm që është ndikimi i drejtpërdrejtë i ndryshimeve klimatike, me një sërë thatësirash të mëdha, përmbytje të paprecedentë në pjesë të caktuara të botës dhe ciklonet që kanë përforcuar shumicën e këtyre epidemive,” tha Dr. Barboza.
“Ndikimi i ndryshimeve klimatike do të vazhdojë dhe është shumë e vështirë të ekstrapolohet se çfarë do të ndodhë në vitin e ardhshëm,” shtoi ai.
OBSH paralajmëron se situata është e komplikuar nga mungesa e vaksinave dhe vetëm do të përkeqësohet nëse situata nuk korrigjohet.
“Lufta kundër kolerës nuk është e humbur. Ne mund ta fitojmë atë, por ne kemi nevojë për shumë më tepër investime.” /Gazeta Shneta/