OBSH, njofton se do të mban një takim urgjent javën e ardhshme për të përcaktuar nëse do të klasifikohej shpërthimi global i lisë së majmunëve si një emergjencë e shëndetit publik me shqetësim mbarëkombëtar.
“Përhapja e lisë së majmunëve është e pazakontë dhe shqetësuese,” u tha gazetarëve, shefi i Organizatës Botërore të Shëndetësisë (OBSH), Tedros Adhanom Ghebreyesus, përcjell Gazeta Shneta.
“Për këtë arsye kam vendosur që javën e ardhshme të mbledh Komitetin e Emergjencës sipas rregulloreve ndërkombëtare shëndetësore, për të vlerësuar nëse kjo shpërthim paraqet një emergjencë të shëndetit publik me shqetësim mbarëkombëtar”.
Komiteti i urgjencës do të mblidhet më 23 qershor për të diskutuar përcaktimin, i cili është alarmi më i lartë që agjencia e OKB-së mund të japë.
“OBSH po punon gjithashtu me partnerë dhe ekspertë nga e gjithë bota për ndryshimin e emrit të virusit të lisë së majmunit dhe sëmundjes që ai shkakton,” tha Tedros.
“Ne do të bëjmë njoftime për emrat e rinj sa më shpejt që të jetë e mundur”.
Para disa muajve të fundit, lija e majmunëve ishte e kufizuar në përgjithësi në Afrikën Perëndimore dhe Qendrore.
Tedros tha se 1,600 raste të konfirmuara të lisë së majmunëve dhe 1,500 raste të dyshuara janë raportuar në OBSH këtë vit nga 39 vende, 32 prej të cilave janë goditur kohët e fundit nga virusi.
Ndërsa 72 vdekje janë raportuar në vendet ku lija e majmunëve ishte endemike, asnjë nuk është parë në vendet e reja të prekura, tha Tedros.
Për të luftuar përhapjen globale, OBSH synon të rekomandojë “mjete të provuara dhe të testuara të shëndetit publik duke përfshirë mbikëqyrjen, gjurmimin e kontakteve dhe izolimin e pacientëve të infektuar”. /Gazeta Shneta/