Oda e Farmacistëve të Kosovës po kërkon ndryshimin e Udhëzimit Administrativ për importin e produkteve pa paralele.
Oda e Farmacistëve të Kosovës ka mbajtur dje një takim me krerët e Agjencisë për Produkte dhe Pajisje Medicinale. Në këtë takim është kërkuar ndryshimi i Udhëzimit Administrativ për importin e produkteve pa paralele, shkruan Gazeta Shneta.
Sipas kryetarit të ri të OFK-së Kadri Bytyqi, ky UA e ka çrregulluar sektorin farmaceutik.
“Po ashtu Kryetari Bytyqi, gjatë takimit shprehu shqetësimin e sektorit farmaceutik mbi problematikat të cilat janë shkaktuar në furnizimin me barna pas hyrjes në fuqi të UA për thjeshtëzimin e procedurave për regjistrimin dhe importin e produkteve pa paralele, të cilën e konsideron se ky UA jo që nuk ka thjeshtëzuar por vetëm sa ka komplikuar furnizimin e tregut me barna, duke kërkuar ndryshimin e tërsishëm të tij, dhe marrjen parasysh të komenteve të palëve të interesit gjatë hartimit të tij”, thuhet në njoftimin e OFK-së.
Ky UA u ndryshua në janar të këtij viti në kohën kur MSh përballej në procedurën tenderuese për furnizimin me insulina. Kompania që ishte shpallur fituese për insulina nuk mbante Autorizim Marketing. UA u ndryshua duke pamundësuar tenderimin e produkteve pa AM.
Njoftimi i plotë:
Takim i përbashkët institucional mes OFK dhe AKPPM
Në zyret e OFK-së, gjatë ditës është mbajtur takim i përbashkët mes AKPPM të Kryesuar nga z. Sejdë Tolaj zv. Kryeshef dhe z. Kadri Bytyqi – Kryetar i OFK-së
Gjatë këtij takimi, është analizuar situata në të cilën ndodhet sektori jonë, duke parë hapësirat e përbashkëta për bashkpunim në drejtim të zgjidhjes së tyre.
Të dy palët u pajtuan për hartimin e numrit të ri të regjistrit të barnave i cili si i tillë do të jetë në formë elektorinike, me të cilin do të mbështetet puna profesionale e farmacistëve dhe profesionistëve tjerë shëndetësor.
Gjithashtu u diskutua baza ligjore mbi funksionimin e orarit nacional të barnatoreve në tërë vendin, duke u kërkuar që sa më parë të nxjerret akt juridik me vlefshmëri obliguese për tërë territorin e Republikës së Kosovës, me të cilin do të rregullohej orari i funksionimit të barnatoreve si institucione shëndetësore.
Po ashtu Kryetari Bytyqi, gjatë takimit shprehu shqetësimin e sektorit farmaceutik mbi problematikat të cilat janë shkaktuar në furnizimin me barna pas hyrjes në fuqi të UA për thjeshtëzimin e procedurave për regjistrimin dhe importin e produkteve pa paralele, të cilën e konsideron se ky UA jo që nuk ka thjeshtëzuar por vetëm sa ka komplikuar furnizimin e tregut me barna, duke kërkuar ndryshimin e tërsishëm të tij, dhe marrjen parasysh të komenteve të palëve të interesit gjatë hartimit të tij.
Të dy drejtuesit e insitucioneve shprehen gadishmërinë e tyre për vazhdimin e bashkpunimit drejt zgjidhjeve të përbashkët të problematikave të sektorit tonë.