Oda e Mjekëve të Kosovës (OMK), ka mbajtur mbledhjen e VIII të legjislaturës së Kuvendit.
Kryetari i OMK-së, Dr. Pleurat Sejdiu bëri hapjen e mbledhjes së VIII-të të legjislaturës së III-të të Kuvendit të OMK-së ku edhe tregoi pikat e rendit të ditës të cilat ishin:
– Miratimi i procesverbalit të mbledhjës së kaluar.
– Dhënia e Betimit të anëtarëve të ri të Kuvendit nga njësia zgjedhore QKMF Malishevë dhe Spitali Amerikan.
– Raportim informues nga Kryetari i OMK-së, Dr. Pleurat Sejdiu,
Gjatë kësaj mbledhje u bënë edhe propozimet për zëvendësimet e anëtarëve të Komisioneve të përhershme të Odës, u mbajtën zgjedhjet për zv. Kryetar të Gjyqit të Nderit, si dhe me shumicën e votave u mor vendimi për gjoba administrative në vonesa në procesin e rilicencimit.
Anëtarët e Kuvendit të OMK-së përmes votës së tyre të fshehtë zgjodhën në pozitën e zv. Kryetar i Gjyqit të nderit, Dr. Berat Krasniqin.
Në këtë mbledhje morën pjesë 108 anëtarë të Kuvendit të OMK-së nga 139.