OpenAI ka prezantuar një model të ri të inteligjencës artificiale, të quajtur GPT‑Rosalind, i cili synon të përshpejtojë kërkimet në biologji, zbulimin e barnave dhe mjekësinë translacionale.
Modeli mban emrin e shkencëtares britanike Rosalind Franklin, e njohur për kontributin e saj në zbulimin e strukturës së ADN-së, dhe konsiderohet një hap i rëndësishëm në përdorimin e inteligjencës artificiale në shkencat e jetës. shkruan Euronews Health transmeton Gazeta Shneta.
Sipas kompanisë OpenAI, GPT-Rosalind është ndërtuar për të ndihmuar studiuesit në analizimin e të dhënave komplekse biologjike, duke përfshirë molekulat, proteinat, gjenet dhe sëmundjet.
Ky model synon të lehtësojë procese të ndërlikuara si:
rishikimi i literaturës shkencore
interpretimi i funksionit të sekuencave biologjike
planifikimi i eksperimenteve
analiza e të dhënave
Ekspertët vlerësojnë se inteligjenca artificiale po luan rol gjithnjë e më të madh në përshpejtimin e procesit të zhvillimit të barnave, duke ndihmuar në identifikimin më të shpejtë të përbërjeve premtuese dhe në kalimin më efikas nga kërkimi në përdorim klinik.
OpenAI ka njoftuar se po bashkëpunon me disa kompani dhe institucione të njohura, përfshirë Moderna, Amgen dhe Allen Institute, për të integruar GPT-Rosalind në proceset kërkimore dhe zhvillimore.
Sipas drejtuesve të industrisë, ky model ka potencial të madh për të ndihmuar ekipet shkencore në analizimin e të dhënave komplekse dhe në përkthimin e tyre në hapa konkretë eksperimentalë.
Kompania thekson se progresi në shkencat e jetës shpesh ngadalësohet jo vetëm nga kompleksiteti i vetë shkencës, por edhe nga proceset e ndërlikuara të punës kërkimore.
Në këtë drejtim, OpenAI beson se sistemet e avancuara të inteligjencës artificiale mund të ndihmojnë studiuesi të zbulojnë lidhje të reja, të formulojnë hipoteza më të mira dhe të përshpejtojnë ciklin e kërkimit shkencor.
Vetëm pak ditë më parë, OpenAI njoftoi edhe një partneritet me kompaninë daneze Novo Nordisk, me synim përshpejtimin e zhvillimit të trajtimeve të reja për pacientët.
Drejtori ekzekutiv i OpenAI, Sam Altman, ka theksuar se inteligjenca artificiale ka potencial të madh për të transformuar industrinë e shëndetësisë dhe për të ndihmuar njerëzit të jetojnë më gjatë dhe më mirë./Gazeta Shneta/