Orët inteligjente mund të identifikojnë sëmundjen e Parkinsonit deri në shtatë vjet përpara se të shfaqen simptomat karakteristike dhe të bëhet një diagnozë klinike, zbulon një studim i ri.
Në studimin e ri, shkencëtarët analizuan të dhënat e mbledhura nga orët inteligjente gjatë një periudhe 7-ditore, duke matur shpejtësinë e lëvizjes së pjesëmarrësve. Ata zbuluan se mund të parashikonin me saktësi, duke përdorur inteligjencën artificiale (AI), shkruan Health News përcjell Gazeta Shneta.
Studiuesit thonë se kjo mund të përdoret si një mjet i ri depistues për sëmundjen e Parkinsonit, i cili do të mundësonte zbulimin e çrregullimit në një fazë shumë më të hershme sesa lejojnë metodat aktuale.
Studimi u drejtua nga shkencëtarët në Institutin rreth Kërkimeve të Demencës në Mbretërinë e Bashkuar dhe Institutin e Inovacionit të Neuroshkencës dhe Shëndetit Mendor (NMHII) në Universitetin e Cardiff. Është publikuar me 3 korrik në revistën “Nature Medicine”.
Parkinson prek qelizat në tru të quajtur neurone dopaminergjike, të vendosura në një zonë të trurit të njohur si substantia nigra. Shkakton simptoma motorike si dridhje, ngurtësi dhe ngadalësim të lëvizjes. Deri në kohën kur këto simptoma karakteristike të Parkinsonit fillojnë të shfaqen dhe mund të bëhet një diagnozë klinike, më shumë se gjysma e qelizave në substantia nigra tashmë do të kenë vdekur.
Prandaj, ka nevojë për metoda të lira, të besueshme dhe lehtësisht të arritshme për të zbuluar ndryshimet e hershme, në mënyrë që të ndërhyhet përpara se sëmundja të shkaktojë dëme të mëdha në tru.
“Ne kemi treguar këtu se një javë e vetme e të dhënave të kapura mund të parashikojë ngjarje deri në shtatë vjet në të ardhmen. Me këto rezultate ne mund të zhvillojmë një mjet të vlefshëm shqyrtimi për të ndihmuar në zbulimin e hershëm të Parkinsonit”, thanë studiuesit. /Gazeta Shneta/