Ilaçi GLP-1 i suksesshëm semaglutidi (Ozempic, Wegovy) mund të ndihmojë njerëzit që luftojnë me çrregullimin e përdorimit të alkoolit.
Studime të shumta kishin lënë të kuptohet tashmë se semaglutidi mund të veprojë në qendrat e oreksit në tru për të shtypur dëshirën për të pirë, ashtu siç bën dhe me dëshirën për të ngrënë tepër shkruan burimi Health Day përcjell Gazeta Shneta.
Tani, studiuesit në Finlandë thonë se studimi i tyre gati nëntë-vjeçar i pothuajse 228,000 suedezëve me çrregullim të përdorimit të alkoolit, të cilët po merrnin semaglutide, kishin një shans 36% më të ulët për të kërkuar shtrimin në spital.
Përdorimi i një ilaçi të dytë në të njëjtën klasë të medikamenteve GLP-1, liraglutide (Victoza), u lidh me një reduktim prej 28% të shtrimeve në spital, raportoi ekipi më 13 nëntor në revistën “JAMA Psychiatry”.
Hulumtimi u drejtua nga Dr. Markku Lähteenvuo, nga Universiteti i Finlandës Lindore.
Përveç zbulimit se semaglutide dhe liraglutide duket se ndihmojnë në mbajtjen e njerëzve me çrregullim të përdorimit të alkoolit jashtë spitalit, studimi zbuloi gjithashtu se semaglutidi, në veçanti, lidhej me një rrezik të zvogëluar për vetëvrasje.
Grupi finlandez vuri në dukje se trajtime më të mira për çrregullimin e përdorimit të alkoolit nevojiten dëshpërimisht, “sepse trajtimet ekzistuese mund të mos jenë të përshtatshme për të gjithë pacientët”. /Gazeta Shneta/