Pacientët me dializë së bashku me familjarët e tyre kanë protestuar para Klinikës së Nefrologjisë për shkak të mungesës së barnave esenciale.
Injeksioni i anemisë kushton rreth 15 euro dhe ka pacientë që duhet ta marrin atë tri herë në javë, raporton Klan Kosova.
Përveç injeksionit, mungojnë edhe gjërat esenciale, përfshirë këtu edhe infuzionet.
Për t’i siguruar se shpejt do të furnizohen me medikamentet e duhura, para protestuesve doli Koordinatori Nacional i Dializës, Ibrahim Rudhani, i cili premtoi se ka garancion nga Ministria e Shëndetësisë se pas 2 javësh kjo klinikë do të furnizohet me barnat esenciale.
Ministria e Shëndetësisë të premten nuk qenë në gjendje të përgjigjen lidhur me këtë çështje.