Pacientët e sëmurë me Covid në Spitalin e Gjilanit të penduar që s’u vaksinuan

2021-09-15 në ora 09:34

Pacientët e sëmurë me Covid-19 të hospitalizuar në Spitalin e Gjilanit janë penduar që nuk janë vaksinuar kundër Covid-19.

Një prej tyre, Vaxhide Rizahu (60) e cila po përballet me simptoma të rënda të sëmundjes, i ka thënë Radio Evropës së Lirë se ka bërë shumë gabim që nuk e ka marr vaksinën.

“Për vaksinë kam bërë shumë gabim që nuk e kam marr, duhet të mbajmë shumë higjienë, të kujdesemi që të mos kemi kontakte, për të mirën tonë”, thotë Vaxhide Rizahu, 60-vjeçare.

Pacientët e pavaksinuar, sipas mjekëve, kanë manifestuar sëmundje të rëndë dhe disa prej tyre kanë përfunduar edhe me vdekje.

Në anën tjetër Xhylferije Shala po përkujdeset për burrin e saj i cili është i vaksinuar, por është infektuar me koronavirus.

Ajo mendon se burri i saj 75 vjeç mund të jetë infektuar gjatë një funerali ku ishin mbajtur edhe të pame.

“E dërguam ta bëjë testin, doli pozitiv. E sollëm në spital. Ka qenë i sëmur, por mbijetoi. Mos ta kishte pasur vaksinën, ndoshta do të ishte edhe më keq”, thotë ajo.

Më të rëndë, thotë se e pati gjendjen klinike Nurije Kryeziu, 67 vjeç e cila ka marrë vetëm dozën e parë të vaksinës. Ajo është e shtirë në spital që 10 ditë.

“Kam pasur temperaturë. Kam qenë keq e sëmurë. Tani jam më mirë”, tregon ajo.

Shkrimin e plotë mund ta lexoni në REL.