Pacientët me kancer pankreatik në Klinikën Mayo tani mund të marrin një nga teknologjitë më të reja inovative të disponueshme për të luftuar sëmundjen vdekjeprurëse.
Këtë muaj, Klinika Mayo kreu me sukses operacionin e parë total robotik Whipple. Përfitimet mund të përfshijnë shërim më të shpejtë dhe rikuperim, qëndrim më të shkurtër në spital, më pak dhimbje dhe një prerje më të vogël në krahasim me kirurgjinë tradicionale të hapur, përcjell Gazeta Shneta.
Operacioni u drejtua nga Dr. Zhi Ven Fong dhe Dr. Nabil Wasif me Qendrën Gjithëpërfshirëse rreth Kancerit të Klinikës Mayo në Arizona.
Procedura Whipple është një operacion për trajtimin e tumoreve dhe kushteve të tjera në pankreas, zorrët e vogla dhe kanalet biliare. Ky proces përfshin heqjen e kokës së pankreasit, pjesës së parë të zorrës së hollë, fshikëzës së tëmthit dhe kanalit biliar.
Mes tjerash, procedura Whipple quhet edhe pankreatikodenektomia. Shpesh përdoret për të trajtuar kancerin e pankreasit që nuk është përhapur përtej pankreasit.
Një procedurë Whipple mund të trajtojë: kancerin e pankreasit, cistet e pankreasit, tumoret e pankreasit, pankreatiti, kancerin e kanalit biliar, tumoret neuroendokrine dhe kancerin e zorrës së hollë.
Për shumë prej këtyre kancereve, procedura Whipple është i vetmi trajtim që mund të çojë në mbijetesë dhe shërim afatgjatë. /Gazeta Shneta/