Në Qendrën Klinike Universitare të Kosovës po qëndron një ekip i mjekëve të ardhur nga Qendra Klinike Universitare e Linkoping-ut të Suedisë.
Së bashku me kolegët e tyre në Kosovë Dr. Gani Çeku dhe të tjerët, kirurgët suedez po i trajtojnë fëmijët në Kirurgjinë e Fëmijëve dhe pacientët në Kirurgjinë Plastike. Ekipi mjekësor udhëhiqet nga menaxherja ndërkombëtare e projektit, dr. Ruhije Hoxha Beganovic, bëhet e ditur në njoftimin e SHSKUK-së, transmeton Gazeta Shneta.
“Ekipin mjekësor nga Kirurgjia e Fëmijëve po e udhëheqë Peder Drott, i cili ka edhe ekipin mbështetës mjekësor. Deri tani janë kryer mbi 20 trajtime , përfshirë edhe ndërhyrjet kirurgjike, përderisa trajtimet do të vazhdojnë deri ditën e premte”, thuhet në njoftim.
“Në anën tjetër, në kirurgji plastike, të udhëhequr nga Erkki Torpila, mjekë të tjerë dhe ekipi vendor e kirurgëve plastik, ditën e djeshme janë kryer 5 operacione mikrokirugjike, 5 të tjera janë në program sot dhe të tjerat gjatë ditës së nesërme. Janë kontrolluar dhe trajtuar edhe 48 pacientë të tjerë”.
Ekipet e mjekëve nga Suedia do të qëndrojnë në Kosovë deri ditën e premte. Kjo qendër universitare ka pasur bashkëpunim edhe me klinikat e tjera të QKUK-së. /Gazeta Shneta/