Pacientët që morën pjesë në një program të strukturuar ushtrimesh patën 37% rrezik më të ulët për vdekje dhe 28% më pak rikthim të kancerit, krahasuar me ata që morën vetëm këshilla edukative, tregon studimi ndërkombëtar CO.21.
Studimi, i udhëhequr nga Grupi Kanadez i Provave Klinike për Kancerin dhe Universiteti i Waterloo-s, përfshiu 889 pacientë dhe tregoi se aktiviteti fizik i mbikëqyrur pas trajtimit përmirëson ndjeshëm mbijetesën dhe mirëqenien, shkruan MedicalXpress transmeton Gazeta Shneta.
“Ushtrimi duhet të jetë pjesë përbërëse e trajtimit të kancerit, jo vetëm rekomandim,” theksoi Dr. Stacey Hubay, onkologe dhe koordinatore e studimit.
Rezultatet pritet të ndikojnë mënyrën si trajtohen pacientët me kancer, duke promovuar ushtrimet si pjesë standarde të kujdesit onkologjik.