Kerry dhe Glyn Tomlinson paguan mbi 25 mijë euro në një klinikë në Britani të Madhe për të kryer fekondim artificial.
Pas tri dështimeve dhe pagesës prej mbi 25 mijë eurosh, çifti hoqi dorë nga IVF-ja dhe gruaja 45-vjeçare u ngjiz krejt natyrshëm, shkruan DailyMail, transmeton Gazeta Shneta.
Tani fëmija i tyre ka mbushur 2 vjeç dhe çifti është duke akuzuar klinikën për mashtrim.
Mjekët e klinikës Zita West i kishin thënë se ajo ka një infertilitet të pashpjegueshëm dhe kështu i kishin sugjeruar që të marr barëra të ndryshme e mjaft të kushtueshme materialisht.
Në klinikë kishin konstatuar se qelizat imune ia ndalonin asaj që të mbetej shtatzënë dhe kështu ajo kishte paguar rreth 500 euro për një infuzion ‘intralipid’.
Të kundërtën e ka konstatuar ekspertja e imunologjisë, Ashley Moffet e cila thotë se nuk kishte prova bindëse se qelizat imune shkaktonin dështimin e shtatzënisë. /Gazeta Shneta/