Shumë mjekë po vërejnë një gjetje shumë shqetësuese: Disa pacientë me COVID-19 kanë nivele të ulta të oksigjenit, por duken plotësisht të rehatshëm. Kjo po quhet “hipoksi e heshtur”.
Ndërsa, kushtet e tjera mund të shkaktojnë hipoksi të heshtur, numri i personave me COVID-19 që paraqiten në këtë mënyrë, po bën që disa mjekë të rimendojnë sesi menaxhohen pacientët me COVID-19 para se të kenë nevojë për kujdes urgjent shkruan Webmd, transmeton GazetaShneta.
Disa rekomandojnë që pacientët COVID-19 të monitorojnë nivelin e oksigjenit në shtëpi me një puls-oximetër.
Puls-oximetër është një pajisje e vogël që vendoset në gishtin tuaj dhe mat oksigjenin në gjakun tuaj. Pas vendosjes së klipit në gisht, ju merrni një lexim të rrahjeve të zemrës dhe leximit të nivelit të oksigjenit në gjak.
Niveli normal i oksigjenit i matur nga pulsi-oximetër është rreth 97%, përveç nëse keni probleme të tjera themelore shëndetësore.
Mjekët fillojnë të shqetësohen kur ky nivel bie nën 90%, sepse kjo mund të ndikojë në sasinë e oksigjenit që shkon në trurin tuaj dhe organet e tjera jetësore. Nivelet nën 80% konsiderohen të rrezikshme dhe rrisin rrezikun e dëmtimit të organeve./GazetaShneta/