Instituti Hidrometeorologjik i Kosovës (IHK) ka njoftuar se të hënën do të mbajë mot kryesisht me diell, ku temperatura maksimale do të arrijë nga 31-35 gradë Celsius.
Ndërkaq, në ditët në vijim pritet të ketë rënie të temperaturave, ku do të ketë edhe reshje shiu dhe shkarkime rrufesh njofton IHK’ja, transmeton Gazeta Shneta.
“E hëne- Mot kryesisht me diell. Temperaturat minimale do të lëvizin ndërmjet 14-18 gradë Celsius, ndërsa maksimalet e ditës parashihen të lëvizin ndërmjet 31-35 gradë Celsius.
E marte- Mot me diell dhe vranesira të shperndara.Vranesirat gjatë ditës parashihen të zhvillohen dhe të sjellin reshje shiu dhe shkarkime rrufesh.Temperaturat do të pësojnë rënie në vlerat e maksimaleve, ndersa minimalet mbeten konstante me temperaturat e ditëve të fundit.
E merkurë – Mot relativisht i fresket , Temperaturat do të shënojnë ulje në të dy vlerat ekstreme. Riga të dobëta lokale mund të ketë në viset e larta.
E enjte- Mot kryesisht i ngjajshem dhe pak më i fresket. Temperaturat mbeten pothuaj konstante me të ditës së merkurë.
Të premten – Dita e premte parashihet me diell dhe vranësira të pjesëshme. Riga të dobëta shiu mund të ketë vetëm në disa pjesë të izoluar.Temperaturat mbeten të ngjajshme në të dy vlerat ekstreme.”, shkruan në njoftim. /Gazeta Shneta/