Pasi pësuan 19 aborte, një çift nga Arizona, më në fund përfunduan planifikimin familjar të tyre me një pako shumë të madhe gëzimi: i porsalinduri i tyre, Finley, peshonte 6.4 kg në lindje dhe ishte i gjatë 23.75 inç.
Cary dhe Tim Patonai kishin ëndërruar që në fillimet e njohjes së tyre të kishin një familje të madhe, por kurrsesi nuk kishin menduar që rruga për të realizuar dëshirën e tyre do të ishte aq e mundimshme dhe do të linte nga pas dhimbjen e 19 aborteve në harkun e 10 viteve, shkruan burim Insider përcjell Gazeta Shneta.
Historia e çiftit nga Arizona, SHBA, ka pushtuar së fundmi rrjetet. Por ajo që ka ngjallur kuriozitetin e të gjithëve është pesha e foshnjës, plot 6.4 kilogramë, dyfishi i peshës mesatare standarde e një të porsalinduri.
“Ishte vërtet i madh dhe mbi të gjitha kisha pothuajse dyfishin e lëngut amniotik. Megjithatë, do ta bëja përsëri nga e para nëse do të duhej, për të marrë këtë bekim.” pranoi Cary.
Gjinekologia që ndoqi lindjen pranoi se në karrierën e saj 27-vjeçare nuk kishte parë kurrë një fëmijë kaq të madh.
Për të mësuar më shumë rreth komplikimeve të shtatzënisë KLIKO KËTU.
Vëllezërit e Finnley-t, Devlen 10-vjeçar dhe Everett 2-vjeçar, peshonin përkatësisht 3.7 dhe 5 kg në lindje.
“Kur Everett erdhi në jetë, doktori tha se ai ishte ndër pesë fëmijët më të mëdhenj që kishte lindur ndonjëherë, dhe unë me shaka i thashë, “Prisni, se do t’ju surprizoj”.
Duke u ndalur te abortet, Cary tha se kishte pësuar 17 të tilla nga shtatzënia e e parë në të dytën, pra brenda 8 vitetve, dhe dy aborte spontane para se të lindte djalin e tretë.
Shumica e grave mbeten shtatzënë pas një aborti, por gjasat zvogëlohen me numrin e humbjeve.
Deri në 20% të shtatzënive të njohura përfundojnë me abort, dhe shumica e grave që përjetojnë një të tillë vazhdojnë të kenë shtatzëni të shëndetshme, thotë Klinika Mayo.
Mirëpo, pas dy abortesh të njëpasnjëshme, rreziku i humbjes së ardhshme rritet në rreth 28%, dhe pas tre ose më shumë abortesh të njëpasnjëshme, rreziku rritet në rreth 43 për qind. /Gazeta Shneta/