Pas Hong Kongut, konfirmohen edhe dy raste të ri infektimit me Covid në Holandë dhe Belgjikë

Dy pacientë evropianë në Holandë dhe Belgjikë janë konfirmuar si të riinfektuar me Covid-19, bazuar në raportimet e mediave ndërkombëtare. Kjo ka shkaktuar shqetësim për imunitetin e njerëzve, në kohën kur e gjithë bota po përballet me luftën kundër pandemisë.

Këto dy raste janë lajmëruar pas atij në Hong Kong që u raportuan të hënën, për një person i cili është riinfektuar me Covid katër muaj e gjysmë pasi ishte shëruar nga infeksioni i parë. Kjo situatë ka sugjeruar se imuniteti tek personat e shëruar mund të zgjas vetëm disa muaj, shkruan nbcnews, transmeton Gazeta Shneta.

Televizioni holandez NOC ka cituar virologen Marion Koopmans, i cili ka thënë se pacienti i riinfektuar është një person i moshuar me sistem të dobët imunitar.

Ndërkaq virologu belg Marc Van Ranst ka deklaruar për VRT se nuk ka qenë i befasuar nga rasti i Hong Kongut. “Për ne nuk ka qenë lajm sepse kemi pasur rastin e njëjtë në Belgjikë”, ka deklaruar ai.

Rasti në Belgjikë është një grua e cila herën e parë ishte infektuar me Covid në mars, ndërsa herën e dytë në qershor. “Ky nuk do të jetë rasti i vetëm. Do të kemi edhe raste tjera dhe ky nuk është lajm i mirë”, ka deklaruar virologu. /Gazeta Shneta/