27-vjeçari që vdiq papritur nga një hemorragji në tru në Mançester në vitin 2020 dhe si dhurues organesh ai ndihmoi në shpëtimin e jetës së gjashtë personave.
Nëna e Alex-it, Judy Coutinho, u ka kërkuar të tjerëve që të përkahin dhurimin e organeve me familjet e tyre në mënyrë që të shpëtohen më shumë jetë, shkruan BBC përcjell Gazeta Shneta.
“Është një dhuratë e pabesueshme”, tha ajo.
Alex Newlove, me origjinë nga Tarleton, Lancashire, ishte zhvendosur në Shtetet e Bashkuara për të ndjekur një karrierë në kontabilitet dhe financë.
Nëna e tij, Coutinho, 59 vjeçe, tha se djali i saj po jetonte “jetën e tij të ëndrrave” në Çikago përpara se të sëmurej në fillim të vitit 2020.
“Nuk kishte asnjë paralajmërim”, tha ajo.
“Ai vdiq nga një hemorragji masive në tru ndërsa ishte në shtëpi për Krishtlindje. Kjo ndodhi si një rrufe në qiell të papritur për ne.”
Nëna Coutinho tha për burimin e BBC – se edhe pse nuk kishte diskutuar për dhurimin e organeve me djalin e saj, “instinktivisht e dinte” se çfarë do të dëshironte ai.
“Kisha të drejtë, sepse me sa duket ai nënshkroi katër herë regjistrin e dhuruesve të organeve. Thjesht ndjeva se ai nuk do të donte që organet e tij të mos ndihmonin njerëzit e tjerë.
Ç’kuptim ka që të mos ndihmohen njerëzit e tjerë, Aleks nuk do kthehej tek ne” – shtoi ajo.
Sipas hulumtimeve të NHS, ndërsa 80% e njerëzve janë të gatshëm të dhurojnë organet e tyre, vetëm 39% thonë se kanë ndarë vendimin e tyre. /Gazeta Shneta/