Klinika e Pediatrisë në QKUK funksionon në kushte të mjerueshme.
Në këtë klinikë nuk ka pasur investime kapitale as nga SHSKUK-ja dhe as nga Ministria e Shëndetësisë.
Të gjitha investimet që janë bërë deri më tani, kanë ardhur nga donacionet.
Dentisti Xheladin Ujkani ka publikuar disa fotografi nga kjo klinikë, ku shihet mungesa e gjërave elementare për shërbimin e pacientëve, transmeton Gazeta Shneta.
Në një dhomë ku qëndron nëna dhe fëmija i saj 5 vjeçar, shtrati shihet i papastër, pa jastëk dhe pa mbulesë.
Postimi i tij i plotë:
LIVE nga Pediatria 🙁
Ky krevet i vogel per momentin ne pronesi te nje nene me femiun-djalin e saj 5 vjeçar. Vetem me kete qarqaf. Pa jastek, pa mbulese. QKU-se dhe Pediatrise i duhen kushte dhe hapsire me e mire, edhe per stafin edhe per pacientet.
Deri ne krijimin e kushteve me njerezore per kete kategori, turp per neve, turp per ministrine e shendetesise, turp per qeverine 🙁
