Pediatrit shqiptar Ismail Lutollit, i cili jeton dhe punon në Sarajevë, i ka rënë reputacioni tek pacientët e tij në Kosovë.
Një qytetar ka kërkuar sugjerime në grupin “Netëork Prishtina” për një pediatër të mirë. “Përveç Ismail Lutollit me të cilin nuk jam i kënaqur”, ka shkruar ai, raporton Gazeta Shneta.
Komentuesit më pas kanë qenë shumë të ashpër me kritika nga përvojat e tyre me Lutollin gjatë vizitave të fëmijëve.
Prindërit kanë deklaruar se janë zhgënjyer me Lutollin ngase e kanë menduar ndryshe duke e parë angazhimin e tij në rrjetet sociale. Por pikërisht për angazhimin e tij në rrjetet sociale është kritikuar nga një prind.
“Kur të shkoni me vizitu fëmijën te Ismail Lutolli, do të rrish 30 min brenda, 5 min do ta vizitojë fëmijën me ndërprerje e 25 min të tjerë do të shkruaj në facebook”, ka shkruar prindi.
Edhe të tjerët kanë deklaruar se ai nuk është fare i koncentruar në punën e tij gjatë vizitave.
Megjithatë ekziston edhe ana tjetër e komentuesve. Një numër i prindërve e kanë lavdëruar mjekun për punën e tij. Një prej tyre ka deklaruar se Lutolli nuk i ngarkon fëmijët me antibiotik dhe nuk përshkruan terapi pa i bërë analizat.
Më poshtë mund t’i lexoni komentet për Lutollin.
Përveç pediatrisë, Lutolli është deklaruar edhe me disa subspecializime të tjera. /Gazeta Shneta/
