Aktorja e njohur shqiptare është një personazh shumë i dashur për publikun shqiptar e që u bë e njohur duke imituar Jozefina Topallin në Portokalli.
Ajo shihet si një ndër fytyrat publike më elegantë të ekranit televiziv shqiptar, por në të kaluarën ajo nuk ka qenë kështu, pasi peshonte hiq më pak se 89 kg.
“Hoqa dorë nga ushqimet e gatshme. Mami më mësoi që çdo fundjavë ta përgatisja vetë ushqimin’’, tregon Dembacaj.
Ajo tregon se konsumonte sallata të ndryshme, derisa drekën e kishte shumë normale duke zgjedhur shumëllojshmëri të perimeve. Ajo thotë se avokado që ndonëse ajo nuk kishte provuar më herët por sipas saj është një ndër më të shëndetshmit.
Pastaj ajo tregon se nuk ka konsumuar asnjë pije të gazuar apo alkoolike si dhe kripën e tepërt, duke thënë se edhe kripa e tepërt ka të njëjtin efekt të sheqerit.
“Bëra ca truçe të vogla, por nuk lashë asgjë jashtë dietës. Sekreti për rezultatin është zvogëlimi i porcioneve. Edhe palestra ka luajtur një rol të rëndësishëm. 3 herë në javë, dy orë. Dhe në fund të të gjitha veglave, ushtrime kardio. Vetëm pas tre muajsh, pata një rezultat befasues”, ka treguar Rudina në një intervistë për Pasdite në Top Channel.