Është pensionuar drejtori i QKMF-së së Fushë Kosovës, Osman Maxherra.
Kryetari i Komunës së Fushë Kosovës, z. Burim Berisha, ka organizuar një takim falënderues në nderim të pensionimit të Drejtorit të Qendrës Komunale të Mjekësisë Familjare (QKMF), z. Osman Maxhera. Takimi ka shërbyer si një moment për të shprehur mirënjohjen për kontributin e shquar të z. Maxhera në ndërtimin dhe funksionimin e kësaj qendre shëndetësore, përcjell Gazeta Shneta.
Kryetari Berisha ka shprehur një falenderim të thellë për dedikimin dhe angazhimin shumëvjeçar të Drejtorit të pensionuar, duke e vlerësuar si një nga arkitektët e suksesit të QKMF në kryeqytetin komunal.
Në fjalën e tij, kryetari Berisha ka theksuar rolin e jashtëzakonshëm të z. Maxhera në drejtimin dhe menaxhimin e QKMF, duke krijuar kështu një qendër shëndetësore që ofron shërbime kualitative për komunitetin. Ai ka vlerësuar lidershipin dhe përkushtimin e z. Maxhera në ngritjen e një klime të mirë në mesin e personelit të sektorit shëndetësor.
Si ushtrues detyre është zgjedhur dr. Remzi Shala,/Gazeta Shneta/