Urologët e QKUK-së për nëntë muaj kanë kryer 692 intervenime në sallë dhe në endourologji.
Urologët e Qendrës Klinike Universitare të Kosovës nga janari deri në shtator kanë kryer 692 operacione në sallë dhe në endourologji, shkruan Gazeta Shneta.
Bazuar në raportin e punës janar-shtator të drejtorit të klinikës Petrit Nuraj, të cilin Gazeta e ka siguruar përmes kërkesës për qasje në dokumente publike, më së shumti operacione në këtë periudhë ka kryer urologu Arbër Neziri me 48 sosh.
Pas tij është Sabri Hyseni me vetëm një intervenim më pak, ndërsa në vendin e tretë është ish-drejtori i Klinikës Sabit Mehmeti me 45 operacione.
Ndërkaq më së paku intervenime gjatë nëntë muajve ka urologu Taner Yusuf. Ai ka kryer vetëm 15 operacione, derisa vetëm tri më shumë i ka kryer Ilir Miftari.
Në raportin e punës janë vendosur edhe numri i asistimeve nga specializantët. Më së shumti numra ka Saim Gerxhaliu me 34 asistime.
Ndërkaq në total urologët e QKUK-së kanë kryer 4226 vizita brenda periudhës janar-shtator 2022. /Gazeta Shneta/
