Dalja e dhëmbëve të parë mund të jetë një periudhë e vështirë për foshnjen pasi shoqërohet me temperaturë e dhimbje. Për t’ua lehtësuar sa më shumë, prindërit u përdorin foshnjeve kremra të ndryshëm, por ajo që nuk dinë është se efekti mpirës mund të ketë disa efekte anësore.
Këtë vit FDA (Administrata Amerikane e Ushqimit dhe e Barnave) deklaroi publikisht se prindërit nuk duhet t’u përdornin foshnjeve asnjë tubet me qëllim qetësimin e dhimbjes së mishrave të dhëmbëve.
Këto produkte që përmbajnë benzocain (enzimë mpirëse) mund të paraqesin rreziqe serioze për shëndetin e foshnjave,. Përfitimet janë shumë të pakta krahasuar me efektet negative ndaj duhet të gjeni metoda të tjera alternative për t’u qetësuar dhimbjen.
Prindërit mund t’i japin fëmijëve lodra silikoni me qëllim lehtësimin e dhimbjeve (kjo sipas Akademisë Amerikane të Pediatrisë)
Kremrat e sipërpërmendur mund të shkaktojnë methemoglobinemia, një gjendje e rëndë shëndetësore në të cilën qelizat e kuqe të gjakut nuk mund të mbajnë aq shumë oksigjen.
Njoftimi vjen vetëm disa muaj pas eksperiencës së frikshme të një nëne të re, e cila i kishte përdorur vajzës 15 muajshe këto kremra qetësues dhe ajo kishte ndaluar së marri frymë dhe ishte shndërruar në ngjyrë blu.