Në pesë mujorin e parë të këtij viti në Kosovë janë identifikuar 611 raste me kancer e të cilët po trajtohen në Klinikën e Onkologjisë të Qendrës Klinike Universitare të Kosovës.
Sipas të dhënave të Shërbimit Spitalor Klinik Universitar të Kosovës, kanceri i gjirit dominon, me 176 raste, ndërsa janë regjistruar 143 raste me kancer urogjenital.
“Në saje të raportit të punës për periudhën janar-maj 2022, janë regjistruar 176 raste me kancer të gjirit, 65 raste me kancer në mushkëri, 140 raste me kancer gastrointestinal, 143 raste me kancer urogjenital dhe 87 raste me kancer në kokë-qafë”, thuhet në raportin e ShSKUK-së.
Sa i përketë personelit shëndetësorë, mjekët onkolog kanë realizuar 19 mijë e 495 kontrolla mjekësore gjatë këtij pesë mujori përderisa janë aplikuar 12 mijë e 469 terapi me citrostatikë.
“Në Klinikën e Onkologjisë, në pjesën e parë të këtij viti, pa llogaritur muajin qershor deri tash, janë bërë 528 CT dhe 174 ECHO”, thuhet po ashtu në njoftim. /Gazeta Shneta/