Për të rritur gjasat e ngjizjes dhe për të pasur një foshnje normale dhe të shëndetshme mund të ndërmerrni një sërë hapash.
Mënyra më e mirë është që ju dhe bashkëshorti juaj ta planifikoni shtatzëninë të paktën tre muaj përpara ngjizjes, pasi pikërisht në javët e para, atëherë kur ndoshta nuk e dini që jeni shtatzënë, zhvillimi i foshnjës është i brishtë.
Planifikimi i shtatzënisë ju jep kohën e duhur për të vlerësuar çdo rrezik dhe po që se lypset për të bërë diçka – për ti parandaluar rreziqet.
Në qoftëse po mundoheni të keni fëmijë, ose zbuloni që jeni shtatzënë atëherë përdorni këto pyetje për të kontrolluar shtatzëninë e shëndetshme:
– A keni imunitet ndaj rubeolës?
Rubeola ose fruthi gjerman mund të shkaktojë defekte serioze te foshnja nëse sëmureni gjatë shtatzënisë, sidemos në fazën e hershme të saj. Tre muaj përpara se të filloni të përpiqeni për të mbetur shtatzënë, kërkojini mjekut tuaj t’ju bëj një analizë gjaku që të siguroheni që jeni imunizuar.
– A ka në rrethin tuaj familjar ose të bashkëshortit ndonjë sëmundje të trashëguar?
Në qoftëse ju ose bashkëshorti juaj keni ndonjë anëtar të afërt të familjes që ka një sëmundje të trashëguar, atëherë ka gjasa që ajo mund t’i kaloj dhe foshnjës. Këshillohuni me mjekun përpara se të përpiqeni të mbeteni shtatzënë dhe ai mund t’ju dërgojë te një këshillues gjenetik i cili mund të vlerësojë nivelin e rrezikut që duhet të merrni parasysh.
Në shumicën e rasteve, vetëm nëse të dy partnerët janë mbartës të gjenit që shkakton sëmundje, fëmija ka vërtetë rrezik që ta trashëgojë atë.
– A keni kohë që vuani nga ndonjë sëmundje?
Në qoftëse keni ndonjë sëmundje si diabeti ose epilepsia duhet të bisedoni me mjekun përpara se të përpiqeni të mbeteni shtatzënë.
Ai mund të ju ndryshojë trajtimin me barna, pasiqë barnat që merrni mund të ndikojnë te foshnja ose mund t’ju vështirësojnë ngjizjen.
Për të mësuar më shumë rreth komplikimeve të shtatzënisë KLIKO KËTU.
– Nëse merrni kontraceptivë, kur duhet ti ndërprisni?
Është mirë të mos i përdorni kontraceptivët shumë kohë përpara se të arrin ngjizjen, në mënyrë që t’i jepni kohë organizmit të kthehet në ciklin e vet të zakonshëm.
Prisni derisa të kaloni në tri cikle menstruale përpara se të përpiqeni të mbeteni shtatzënë, pasiqë ngjizja gjatë kësaj faze do ta bëjë më të vështirë parashikimin e datës së lindjes së bebës (gjatë kësaj kohe mund të përdorni prezervativë ose diafragmë).
– Sa peshoni?
Teorikisht pesha duhet të jetë normale për gjatësinë që keni të paktën gjashtë muaj përpara ngjizjes. Por nëse jeni shumë mbi peshë ose nën peshë, atëherë flisni me mjekun tuaj për t’u këshilluar se si të arrini në peshën e duhur.
Nëse nuk keni probleme serioze me peshë, mos mbani dietë gjatë shtatzënisë.
– A ushqeheni shëndetshëm?
Gjasat për t’u ngjizur e për të pasur foshnjë të shëndetshme rriten nëse ushqeheni në mënyrë të shëndetshme.
– A pini cigare ose alkool?
Kur vendosni të mbeteni shtatzënë, ju dhe bashkëshkorti juaj duhet të hiqni dorë nga duhani dhe alkooli.
Pasiqë këta dy faktor mund të ndikojnë në fertilitetin si dhe rritjen e foshnjës përpara ose pas lindjes. /Gazeta Shneta/