Nëse e keni pyetur ndonjëherë veten përse keni më shumë ftohtë ju se partneri juaj, ka një arsye shkencore për këtë.
Sipas një studimi të botuar këtë javë në revistën PLOS ONE, gratë mendojnë më mirë në temperatura të ngrohta, ndërsa burrat janë më të mprehtë kur freskohet ajri.
Hulumtuesit rekrutuan qindra studentë kolegji, si djem dhe vajza, dhe i vendosën në dhoma ku temperaturat shkonin nga 16. 1 gradë Celsius në 32.2 gradë. Pastaj, nxënësit bëns disa testime. Vlerësimi i tyre ishte në matematikë, aftësitë verbale dhe lokale. Ishin gjëra shumë të thjeshta, si për shembull përllogaritja e disa veprimeve matematikore pa makinë llogaritëse, apo krijimi i sa më shumë fjalëve me një numër të caktuar shkronjash brenda një afati kohor të caktuar.
Për çdo 1,8 gradë të rritjes së temperaturës, gratë performuan më mirë në problemet e matematikës me gati 1.8%! Në thelb, kur dhoma u ngroh, gratë mund të mendonin më qartë. Sa për burrat, kur temperatura u rrit me 1.8 gradë, performanca e tyre e matematikës pësoi rreth 0.63% ndryshim. Ata nuk ishin aq të ndikuar sa gratë, por ishin më mirë kur dhomat ishin më të ftohta.
Studiuesit po mendonin për zyrat kur ata filluan të bëjnë këtë studim dhe sugjerojnë se shumë hapësira zyre me ajër të kondicionuar janë shumë të ftohta për gratë dhe duhet të jenë më pak të ftohta. Por hulumtimi gjithashtu ka kuptim në kontekstin e shumë shtëpive ku mosmarrëveshjet mbi temperaturën janë një dukuri e zakonshme.
Një pjesë e zgjidhjes së problemeve mund të përfshijë kompromis ose vendosje të ndryshme të temperaturës në dhoma të ndryshme kur është e mundur.