Një pilot nga New Jersey ka vdekur nga një alergji shumë e rrallë ndaj mishit të kuq, e shkaktuar nga pickimi i rriqrës lone star.
Rasti u konfirmua nga mjekët e Universitetit të Virxhinias, të cilët pas muajsh hetimi zbuluan se piloti kishte sindromën alpha-gal, shkruan NBC News, transmeton Gazeta Shneta.
Ai u sëmur disa orë pasi hëngri një hamburger dhe u gjet pa ndjenja në banjo më vonë atë mbrëmje.
Dy javë më herët, kishte pasur një reagim të ngjashëm pasi hëngri biftek, por nuk e kishte kuptuar se ishte alergji. Analizat e gjakut treguan një nivel shumë të lartë të antitrupave që shkaktohen nga kjo alergji.
Sipas ekspertëve, kjo alergji shkaktohet nga një sheqer që rriqrat marrin nga kafshët dhe e transmetojnë te njerëzit.
Rritja e rriqrave për shkak të klimës po e shton numrin e rasteve. Mjekët thonë se alergjia mund të kalojë me kohë, por shmangia e pickimeve është mënyra më e mirë për t’u mbrojtur./ Gazeta Shneta/