Kryetarja e shoqatës së pacientëve me kancer, Violeta Pirana, është shprehur e shqetësuar për një problem që po e përjetojnë pacientet e kancerit të gjirit si pasojë e mosdijes nga stafi shëndetësor në vendin tonë.
Sipas kryetares Pirana stafi shëndetësor duhet ta ketë parasysh që gratë të cilat kanë pasur kancer kancer të gjirit nuk duhet t’u shpohet dora apo t’u matet tensionin në anën e operuar sepse pacientet po fitojnë limfoedemen, shkruan Gazeta Shneta.
Përmes një statusi në rrjetin social në Facebook ajo ka reaguar ndaj këtyre rasteve dhe ka kërkuar që çdo personel shëndetësor i cili nuk i përmbahet kësaj rregulle duhet të mbajë përgjegjësi për shkaktimin e limofdemes.
Ajo ka potencuar se çdo paciente duhet të pyetet se në cilën anë është e operuar dhe nuk guxon të shpohet.
Reagimi i plotë:
Dua te shpreh nje shqetsim te madh qe po perjetojne pacientet e kancerit te gjirit ne Kosove.
Fjala eshte sidomos per te gjitha qofte QKMF apo ndonje repart tjeter te QKUK apo spitaleve regjionale.
Problemin qe e kane pacientet e operuar nga kanceri i gjirit te cilave jane hequr gjandrrat limfatike eshte se kur duhet te bejne analizat e gjakut, apo bejne matjen e tensionit apo edhe te marrin infuzione per arsye te ndryshme, nuk kushtohet kujdes i duhur sepse ne anen e operuar ku kane hequr gjandrrat limfatike nuk guxohet qe ajo dore asesi te shpohet apo ne ate dore te matet tensioni.
Kjo mosdije nga stafi shendetsor po kushton shume pacienteve te kancerit te gjirit, sepse atyre po ju ajet dora, pra po fitojne LIMFOEDEMEN.
Renesansa per te edukuar pacientet e kancerit te gjirit ka shperndare bylyzyke qe cdo paciente e operuar e kancerit te gjirit duhet ta mbaje ne ate ane te operuar dhe kjo per te alarmuar cdo kend qe deshiron qe te shpoje apo te mat tension ne ate dore.
Prandaj cdo personel ndihemes mjeksor qe nuk i permbahet kesaj rregulle do te mbaj pergjegjesi per shkaktimin e LIMFOEDEMES tek pacientja e operuar nga kanceri i gjirit.
Cdo paciente duhet te pytet se cila ane eshte e operuar dhe ajo ane nuk guxon te shpohet.
Por edhe cdo paciente qe e ka bylyzykun si alarm ne ate dore poashtu nuk guxon te shpohet as te matet tensioni.
/Gazeta Shneta/