Hulumtimi i fundit që është botuar në revistën “Addiction” tregon se pirja e duhanit mund të rrisë yndyrën në bark, veçanërisht yndyrën e brendshme, e cila është e lidhur me rrezikun e sëmundjeve të ndryshme si sëmundjet kardiovaskulare, diabeti, dhe demenca.
Studimi gjithashtu zbuloi se duhanpirësit, megjithëse kanë një peshë trupore më të ulët, kanë më shumë yndyrë në bark dhe organet e brendshme, veçanërisht yndyrën viscerale që është më shqetësuese për shëndetin, shkruan Medical News, transmeton Gazeta Shneta.
Studimi përfshiu analiza statistikore dhe gjenetike për të përcaktuar lidhjen midis pirjes së duhanit dhe yndyrës së barkut.
Rezultatet treguan një lidhje të qartë midis konsumit të duhanit dhe rritjes së yndyrës së barkut, pavarësisht faktorëve të tjerë si statusi socio-ekonomik, përdorimi i alkoolit, apo prirja gjenetike.
Ky studim forcon nevojën për përpjekje më të mëdha në nivel shoqëror për të parandaluar dhe reduktuar pirjen e duhanit, pasi që ky veprim mund të ndihmojë në zvogëlimin e rrezikut të sëmundjeve të lidhura me yndyrën e barkut dhe për të përmirësuar shëndetin publik në përgjithësi./Gazeta Shneta/