Një studim i ri sugjeron se artriti reumatoid mund të shkaktohet pjesërisht nga plakja e parakohshme e sistemit imunitar.
Sipas gjetjeve të publikuara në revistën eBioMedicine, njerëzit me dhimbje në nyje dhe artrit treguan shenja të plakjes së përshpejtuar të imunitetit, duke sugjeruar se kjo mund të luajë një rol direkt në zhvillimin e sëmundjes autoimune.
Shkencëtarët analizuan shëndetin e 224 personave, përfshirë individë të shëndetshëm dhe pacientë në faza të ndryshme të artritit reumatoid.
Testet e gjakut zbuluan nivele më të ulëta të qelizave T të cilat ndihmojnë në identifikimin dhe sulmin ndaj viruseve dhe baktereve tek pacientët me simptoma të hershme të nyjeve.
Përveç kësaj, prodhimi i qelizave T të reja nga gjëndra timuse ishte i zvogëluar.
Rezultatet sugjerojnë se shenjat e plakjes imunitare janë më të pranishme edhe para diagnostikimit klinik të artritit reumatoid, dhe përparojnë më tej pas diagnozës, duke përfshirë shenja të inflamacionit dhe dëmtime të qelizave T.
Ekspertët theksojnë se këto zbulime mund të hapin rrugën për parandalimin e artritit reumatoid tek individët me rrezik të lartë, përmes trajtimeve që ngadalësojnë plakjen e imunitetit dhe përmirësojnë procesin natyror të trupit për pastrimin e qelizave të dëmtuara. Niharika Duggal, profesor asociate në Universitetin e Birminghamit, tha:
“Ne kemi zbuluar se plakja e imunitetit nuk është vetëm pasojë e artritit reumatoid ajo mund të jetë drejtues i sëmundjes.”