Policia e Gjilanit ka hetuar gjithsej 34 aksidente trafiku gjatë periudhës 27 dhjetor 2024 – 2 janar 2025.
Nga këto, 17 aksidente kanë përfunduar me dëme materiale, ndërsa 17 të tjera kanë pasur persona të lënduar.
Gjatë kësaj periudhe, janë shqiptuar 1120 gjoba për shkelje të rregullave të trafikut, ndërsa 13 ngasës janë ndaluar për drejtim të mjeteve motorike në mënyrë të papërshtatshme.
Policia ka theksuar rëndësinë e respektimit të rregullave të trafikut, sidomos në kushtet e motit me mjegull, për të parandaluar aksidentet dhe për të siguruar sigurinë e të gjithë pjesëmarrësve në rrugë.
