Policia e Kosovës në raportin 24-orësh ka dhënë detaje edhe për rastin e arrestimit të ortopedit Sabit Sllamniku i cili u kap në flagrancë duke marr ryshfet.
Policia ka treguar se gjatë ditës së djeshme në ora 09:00 është arrestuar mjeku nga njësitet përkatëse pasi është zënë duke kërkuar dhe pranuar ryshfet, shkruan Gazeta Shneta.
Ortopedi kishte kërkuar ryshfet nga një pacient për t’ia kryer ekspertizën mjekësore, ndonëse sipas Policisë, mjeku e kishte pasur për detyrim ta kryente vlerësimin në bazë të aktvendimit të gjykatës për caktimin e ekspertit nga SHSKUK.
“Është arrestuar i dyshuari mashkull kosovar i cili nga njësiti përkatës është zënë në flagrancë duke kërkuar dhe pranuar ryshfet nga një qytetar lidhur me kryerjen e ekspertizës mjekësore që i dyshuari ka qenë i obliguar ta kryej në bazë të aktvendimit të gjykatës dhe vendimit për caktim të ekspertit nga SHSKUK-ja. Me vendim të prokurorit i dyshuari është dërguar në mbajtje”, ka njoftuar Policia./Gazeta Shneta/
